Dy punonjës sigurie kanë humbur jetën në një sulm të armatosur të ndërmarrë në pikën e kontrollit të sigurisë në pallatin mbretëror, në qytetin Xhide të Arabisë Saudite, transmeton Anadolu Agency (AA).
Në një deklaratë nga zëdhënësi i Ministrisë së Brendshme, gjeneral major Mansur et-Turki, e cila është publikuar nga agjencia zyrtare e lajmeve saudite (SPA), theksohet se në sulmin e armatosur të ndodhur në pikën e kontrollit ku ndodheshin rojet e pallatit mbretëror Selam në qytetin Xhide kanë humbur jetën 2 punonjës sigurie si dhe janë plagosur 3 punonjës të tjerë.
Ndër të tjera në deklaratën ku bëhet e ditur se sulmuesi ka qenë një qytetar saudit në moshën 28-vjeçare, thuhet se sulmuesi është vrarë në vendin e ngjarjes pas kundërpërgjigjes së rojeve.
Gjithashtu theksohet se në lidhje me ngjarjen ka nisur një hetim dhe se rezultatet do të bëhen të ditura më pas për publikun.
Rama ndan pamjet: Punimet në urën mbi lumin e Tiranës janë r...
Sot mbahet protestë solidarizuese me punëtoret teknike të Ku...
Ngjarjet e paralajmëruara për sot
Shpërthim me tritol në Shkodër
E pyesin se kur do të pensionohet nga boksi – Joshua impresi...
Von der Leyen premton 10 miliardë euro në ndihmë të rajoneve...